Елордамыз Астанада Есіл өзенінің сол жағалауында «KATEV» Халықаралық қоғамдық қоры қолдауымен салынған, Елбасы Н.Ә. Назарбаевтың «ақ батасын» алған жекеменшік «НұрОрда» қазақ-түрік лицей – кешені 2007 жылы ашылса, 2008 жылы «НұрОрда» халықаралық  мектебі өз жұмысын бастады.       Жаңа кешеннің жалпы жер телімі 3 гектар. 800 оқушыға арналған жабық алаңы 20 000 шаршы метр.

       Кешенде 36 сынып, 6 зертхана, 3 компьютер сыныбы, 2 мультимедия кабинеті, 2 музыка сыныбы, 2 би залы, 2 сурет сыныптары, 2 демалыс бөлмесі, кітапхана, дәрігер бөлмесі жұмыс жасайды. 540 шаршы метрлік спорт залы, асхана, жиын залы, хауыз, сондай-ақ, 60 бүлдіршінге  арналған  даярлық тобы қызмет етеді. Лицейдегі сыныптар, зертханалар, кабинеттер, жанға жайлы жиһаздар мен соңғы үлгідегі техникамен жабдықталған.Лицейде көлікке қолайлы автотұрақ, ашық спорт алаңдарыда қарастырылған.      Қазақ – түрік лицейінің оқу процесі мемлекеттік жалпы міндетті  және халықаралық стандартқа сәйкес жүргізіледі.       Биылғы  жаңа оқу жылында тестілеу әдісінің қорытындысы  бойынша лицейге 450 оқушы қабылданды.       Лицейде қабылдау 1 сыныптан басталады: 1-6 сыныптарда қазақ орта мектептерінің үздік бағдарламасымен оқытса, 7 сыныптан бастап  қазақ – түрік  лицейлерінің бағдарламасымен  оқытылады. Ағылшын  тілі мен информатика пәні 3 сыныпта, түрік тілі 5, қытай тілі 9 сыныпта қосылады.       Лицейде 50 ұстаз, 29 тәрбиеші қызмет атқарады, оның он тоғызы – жоғары, он бірі – бірінші санатты. Англиядан арнайы шақырылған екі ағылшын тілі мұғалімдеріміздің біреуі филология ғылымының кандидаты, екіншісі – ғылым докторы болса, ал Түркия елінен 6 аға оқытушымыз бар.         Лицейдің тағы бір ерекшілігі балалар мектепте мұғаліммен бірге үй тапсырмасын дайындайды, үлгерімі нашар балалар қосымша сабақ алады.  Кешенде хор, домбыра, қобыз, сурет, қол өнер, футбол, баскетбол, күрес т.б. үйірмелер жұмыс жасайды. Кешенде оқушының терең білім алуына, физикалық және рухани өсуіне жан-жақты жағдай жасалған.